உபதேசம் : 913

﷽ உபதேசம் : 913
28-12-2023 வியாழக்கிழமை

"ஒர் அண்டைவீட்டுக்காரி மற்ற அண்டை வீட்டுக்காரிக்கு ஆட்டின் கால் குளம்பை (காலுடைய கீழ் பகுதியை) அன்பளிப்பாகக் கொடுத்தாலும் அவள் அதை அலட்சியம் செய்ய வேண்டாம்!" என்று நபி (ஸல்) அவர்கள் கூறினார்கள்.

அறிவிப்பவர் : அபூ ஹுரைரா (ரலி) புகாரி-2566

குர்ஆன் வசனம் 663

﷽ குர்ஆன் வசனம் 663
28-12-2023 வியாழக்கிழமை

وَاللّٰهُ لَا يَهۡدِى الۡقَوۡمَ الۡفٰسِقِيۡنَ

குற்றம் புரியும் கூட்டத்துக்கு அல்லாஹ் நேர்வழி காட்ட மாட்டான்.

[அல்குர்ஆன் 61:5]

உபதேசம் : 912

﷽ உபதேசம் : 912
27-12-2023 புதன்கிழமை

"ஒரு தந்தை தன் மகனுக்குக் கொடுத்த அன்பளிப்பைத் தவிர வேறு எந்த அன்ளிப்பையும் திரும்பப் பெறுவது ஒரு முஸ்­லிமுக்கு ஹலால் (அனுமதி) இல்லை!" என்று நபி (ஸல்) அவர்கள் கூறினார்கள்.

அறிவிப்பவர் : இப்னு அப்பாஸ் (ரலி) திர்மிதீ-1220

குர்ஆன் வசனம் 662

﷽ குர்ஆன் வசனம் 662
27-12-2023 புதன்கிழமை

اِنَّ اللّٰهَ يُحِبُّ الَّذِيۡنَ يُقَاتِلُوۡنَ فِىۡ سَبِيۡلِهٖ صَفًّا كَاَنَّهُمۡ بُنۡيَانٌ مَّرۡصُوۡصٌ

உறுதியாக இணைக்கப்பட்ட கட்டடம் போன்று அணிவகுத்து தன் பாதையில் போரிடுவோரை அல்லாஹ் விரும்புகிறான்.

[அல்குர்ஆன் 61:4]

குர்ஆன் வசனம் 661

﷽ குர்ஆன் வசனம் 661
26-12-2023 செவ்வாய்க்கிழமை

يٰۤاَيُّهَا الَّذِيۡنَ اٰمَنُوۡا لِمَ تَقُوۡلُوۡنَ مَا لَا تَفۡعَلُوۡنَ
كَبُرَ مَقۡتًا عِنۡدَ اللّٰهِ اَنۡ تَقُوۡلُوۡا مَا لَا تَفۡعَلُوۡنَ‏

நம்பிக்கை கொண்டோரே! நீங்கள் செய்யாததை ஏன் சொல்கிறீர்கள்?
நீங்கள் செய்யாததைச் சொல்வது அல்லாஹ்விடம் கடும் கோபத்துக்குரியது.

[அல்குர்ஆன் 61:2,3]

உபதேசம் : 911

﷽ உபதேசம் : 911
26-12-2023 செவ்வாய்க்கிழமை

"நீங்கள் ஒருவருக்கொருவர் அன்பளிப்பு செய்து நேசத்தை ஏற்படுத்திக் கொள்ளுங்கள்!" என்று நபி (ஸல்) அவர்கள் கூறினார்கள்.

அறிவிப்பவர் : அபூ ஹுரைரா (ரலி) அல்அதபுல்முஃப்ரத் - 594

உபதேசம் : 910

﷽ உபதேசம் : 910
24-12-2023 ஞாயிற்றுக்கிழமை

"ஒருவா் ஜனாஸாவைக் காணும்பொழுது அதைப் பின்தொடா்ந்துசெல்ல இயலாத நிலையில் அதை அவா் கடக்கும்வரை அல்லது அது அவரைக் கடக்கும்வரை அல்லது அது பூமியில் வைக்கப்படும் வரை அவா் எழுந்து நிற்கட்டும்!" என்று நபி (ஸல்) அவர்கள் கூறினார்கள்.

அறிவிப்பவர் : ஆமிர் இப்னு ரபீஆ (ரலி) புகாரி-1308

குர்ஆன் வசனம் 660

﷽ குர்ஆன் வசனம் 660
24-12-2023 ஞாயிற்றுக்கிழமை

اِنَّ اللّٰهَ يُحِبُّ الۡمُقۡسِطِيۡنَ‏

நீதி செலுத்துவோரை அல்லாஹ் விரும்புகிறான்.

[அல்குர்ஆன் 60:8]

உபதேசம் : 909

﷽ உபதேசம் : 909
23-12-2023 சனிக்கிழமை

நபி (ஸல்) அவர்களின் மகளை நாங்கள் குளிப்பாட்டிக் கொண்டிருந்தபொழுது, ''மய்யித்தின் வலப்புறத்திலிருந்தும் உளூவின் பகுதிகளிலிருந்தும் ஆரம்பியுங்கள்!" என்று நபிகளாா் எங்களிடம் கூறினார்கள்.

அறிவிப்பவர் : உம்மு அதிய்யா (ரலி) புகாரி - 1256

குர்ஆன் வசனம் 659

﷽ குர்ஆன் வசனம் 659
23-12-2023 சனிக்கிழமை

لَنۡ تَـنۡفَعَكُمۡ اَرۡحَامُكُمۡ وَلَاۤ اَوۡلَادُكُمۡ ۛۚ يَوۡمَ الۡقِيٰمَةِ

கியாமத் நாளில் உங்களின் உறவினரும், உங்கள் சந்ததிகளும் உங்களுக்குப் பயன் தரவே மாட்டார்கள்.

[அல்குர்ஆன் 60:3]

உபதேசம் : 908

﷽ உபதேசம் : 908
22-12-2023 வெள்ளிக்கிழமை

நபி (ஸல்) அவர்கள் தமக்கு அன்பளிப்பாக வழங்கப்பட்ட நறுமணப் பொருளை மறுத்ததில்லை!

அறிவிப்பவர்: அனஸ் (ரலி) புகாரி-5929

குர்ஆன் வசனம் 658

﷽ குர்ஆன் வசனம் 658
22-12-2023 வெள்ளிக்கிழமை

لَا يَسۡتَوِىۡۤ اَصۡحٰبُ النَّارِ وَاَصۡحٰبُ الۡجَـنَّةِ‌ؕ اَصۡحٰبُ الۡجَـنَّةِ هُمُ الۡفَآٮِٕزُوۡنَ‏

நரகவாசிகளும், சொர்க்கவாசிகளும் சமமாக மாட்டார்கள். சொர்க்கவாசிகளே வெற்றி பெற்றோர்.

[அல்குர்ஆன் 59:20]

உபதேசம் : 907

﷽ உபதேசம் : 907
21-12-2023 வியாழக்கிழமை

"பிலாலே! இஸ்லாத்தில் இணைந்த பிறகு நீர் செய்த சிறந்த அமல் பற்றிக் கூறுங்கள். ஏனெனில் உம்முடைய செருப்போசையை சொர்க்கத்தில் நான் கேட்டேன்" என்று நபி (ஸல்) அவர்கள் கூறியபொழுது பிலால் (ரலி) அவா்கள், "இரவிலோ, பகலிலோ நான் உளூச் செய்தால் அந்த உளூவின் மூலம் தொழ வேண்டுமென நாடியதை நான் தொழாமல் இருப்பதில்லை. இதுதான் என்னுடைய செயல்களில் சிறந்து" என்று பதிலளித்தார்கள்.

அறிவிப்பவர் : அபூ ஹுரைரா (ரலி) புகாரி - 1149

குர்ஆன் வசனம் 657

﷽ குர்ஆன் வசனம் 657
21-12-2023 வியாழக்கிழமை

وَلۡتَـنۡظُرۡ نَـفۡسٌ مَّا قَدَّمَتۡ لِغَدٍ‌

மறுமைக்காக தாம் செய்த வினையை ஒவ்வொருவரும் கவனிக்கட்டும்.

[அல்குர்ஆன் 59:18]

உபதேசம் : 906

﷽ உபதேசம் : 906
20-12-2023 புதன்கிழமை

"அல்லாஹ்விற்கு மிக விருப்பமான தொழுகை நபி தாவூது (அலை) அவர்களின் தொழுகையாகும். ஏனெனில் அவர்கள் பாதி இரவு வரை உறங்கிய பிறகு இரவில் மூன்றில் ஒரு பகுதி நேரம் தொழுவார்கள். அல்லாஹ்விற்கு மிக விருப்பமான நோன்பு நபி தாவூது(அலை) அவர்களின் நோன்பாகும். ஏனெனில் அவர்கள் ஒரு நாள் விட்டு ஒரு நாள் நோன்பு நோற்பார்கள்!" என்று நபி (ஸல்) அவர்கள் கூறினார்கள்.

அறிவிப்பவர் : அப்துல்லாஹ் இப்னு அம்ர் இப்னுல் ஆஸ் (ரலி) புகாரி-1131

குர்ஆன் வசனம் 656

﷽ குர்ஆன் வசனம் 656
20-12-2023 புதன்கிழமை

وَمَنۡ يُّوۡقَ شُحَّ نَـفۡسِهٖ فَاُولٰٓٮِٕكَ هُمُ الۡمُفۡلِحُوۡنَ‌ۚ‏

தன்னிடமுள்ள கஞ்சத்தனத்திலிருந்து காக்கப்படுவோரே வெற்றி பெற்றோர்.

[அல்குர்ஆன் 59:9]

குர்ஆன் வசனம் 655

﷽ குர்ஆன் வசனம் 655
19-12-2023 செவ்வாய்க்கிழமை

وَاتَّقُوا اللّٰهَ ‌ؕ اِنَّ اللّٰهَ شَدِيۡدُ الۡعِقَابِ‌ۘ

அல்லாஹ்வை அஞ்சுங்கள்! அல்லாஹ் கடுமையாகத் தண்டிப்பவன்.

[அல்குர்ஆன் 59:7]

உபதேசம் : 905

﷽ உபதேசம் : 905
19-12-2023 செவ்வாய்க்கிழமை

"குழந்தையின் மீது தாய் வைத்திருக்கும் அன்பை விட அல்லாஹ் தன் அடியார்களின் மீது அதிக அன்பு வைத்துள்ளான்!" என்று நபி (ஸல்) அவர்கள் கூறினார்கள்.

அறிவிப்பவர் : உமர் (ரலி) புகாரி-5999

உபதேசம் : 904

﷽ உபதேசம் : 904
18-12-2023 திங்கட்கிழமை

நபி (ஸல்) அவர்கள் கன்னிப் பெண்களையும் மாதவிடாய் ஏற்பட்டுள்ள பெண்களையும் (பெருநாள் தொழுகையின்) திடலுக்குப் புறப்படச் செய்யும்படி எங்களை ஏவினார்கள். மாதவிடாயுள்ள பெண்கள் தொழுமிடத்தைவிட்டு விலகியிருப்பார்கள்.

அறிவிப்பவர் : உம்மு அதிய்யா (ரலி) புகாரி-981

குர்ஆன் வசனம் 654

﷽ குர்ஆன் வசனம் 654
18-12-2023 திங்கட்கிழமை

وَلِيُخۡزِىَ الۡفٰسِقِيۡنَ

குற்றம் புரிந்தோரை அவன் இழிவுபடுத்துவான்.

[அல்குர்ஆன் 59:5]

உபதேசம் : 903

﷽ உபதேசம் : 903
17-12-2023 ஞாயிற்றுக்கிழமை

"ஜும்ஆ நாளில் ஒரு நேரம் உள்ளது" என்று கூறிய நபி ஸல் அவா்கள் அந்த நேரம் மிகவும் குறைவானதே என்பதைத் தம் கையால் சைகை செய்து காட்டினார்கள். ''அந்த நேரத்தில் ஒரு முஸ்லிம் தொழுது, அல்லாஹ்விடம் எதையேனும் கேட்டால் அதை அவருக்கு அல்லாஹ் கொடுக்காமலிருப்பதில்லை!" என்றும் கூறினார்கள்.

அறிவிப்பவர் : அபூ ஹுரைரா (ரலி) புகாரி - 935

குர்ஆன் வசனம் 653

﷽ குர்ஆன் வசனம் 653
17-12-2023 ஞாயிற்றுக்கிழமை

اِنَّ الَّذِيۡنَ يُحَآدُّوۡنَ اللّٰهَ وَرَسُوۡلَهٗۤ اُولٰٓٮِٕكَ فِى الۡاَذَلِّيۡنَ

அல்லாஹ்வையும், அவனுடைய தூதரையும் பகைப்போரே இழிந்தோர்.

[அல்குர்ஆன் 58:20]

உபதேசம் : 902

﷽ உபதேசம் : 902
16-12-2023 சனிக்கிழமை

"இமாம் 'ஸமிஅல்லாஹு லிமன் ஹமிதா' என்று கூறும்பொழுது நீங்கள் 'அல்லாஹும்ம ரப்பனா லகல் ஹம்து' எனக் கூறுங்கள்! யாருடைய இந்தக் கூற்று மலக்குகளின் கூற்றுடன் ஒன்றாக அமைகிறதோ அவருடைய முந்திய பாவங்கள் மன்னிக்கப்படுகின்றன!" என்று நபி (ஸல்) அவர்கள் கூறினார்கள்.

அறிவிப்பவர் : அபூ ஹுரைரா (ரலி) புகாரி-796

குர்ஆன் வசனம் 652

﷽ குர்ஆன் வசனம் 652
16-12-2023 சனிக்கிழமை

اَلَاۤ اِنَّ حِزۡبَ الشَّيۡطٰنِ هُمُ الۡخٰسِرُوۡنَ‏

கவனத்தில் கொள்க! ஷைத்தானின் கூட்டத்தினரே நட்டமடைந்தவர்கள்.

[அல்குர்ஆன் 58:19]

உபதேசம் : 901

﷽ உபதேசம் : 901
15-12-2023 வெள்ளிக்கிழமை

பனூ ஸலமா கூட்டத்தினர் தங்கள் இல்லங்களை நபி (ஸல்) அவர்களுடைய பள்ளிவாசலுக்கு அருகில் அமைத்துக்கொள்ள விரும்பினர். இதை விரும்பாத நபி (ஸல்) அவர்கள் ''நீங்கள் அதிகமான காலடிகளை எடுத்து வைத்துத் தொழுகைக்கு வருவதன் மூலம் கிடைக்கும் நன்மையைப் பெற வேண்டாமா?'' என்று கூறினார்கள்.

அறிவிப்பவர் : அனஸ் (ரலி) புகாரி - 656

குர்ஆன் வசனம் 651

﷽ குர்ஆன் வசனம் 651
15-12-2023 வெள்ளிக்கிழமை

وَاِذَا قِيۡلَ انْشُزُوۡا فَانْشُزُوۡا يَرۡفَعِ اللّٰهُ الَّذِيۡنَ اٰمَنُوۡا مِنۡكُمۡ ۙ وَالَّذِيۡنَ اُوۡتُوا الۡعِلۡمَ دَرَجٰتٍ

நம்பிக்கை கொண்டோருக்கும், கல்வி வழங்கப்பட்டோருக்கும் அல்லாஹ் பல தகுதிகளை உயர்த்துவான்.

[அல்குர்ஆன் 58:11]

உபதேசம் : 900

﷽ உபதேசம் : 900
14-12-2023 வியாழக்கிழமை

"ஒருவருக்கு அல்லாஹ் வழங்கிய செல்வத்தை அவர் நல்ல வழியில் செலவு செய்வது, மற்றொருவருக்கு அல்லாஹ் வழங்கிய அறிவைக்கொண்டு தீர்ப்பு வழங்குபவராகவும் கற்றுக் கொடுப்பவராகவும் இருப்பது ஆகிய இரண்டு அம்சங்களைத்தவிர வேறு எதிலும் பேராசை கொள்ளக் கூடாது!" என்று நபி (ஸல்) அவர்கள் கூறினார்கள்.

அறிவிப்பவர் : அப்துல்லாஹ் இப்னு மஸ்வூத் (ரலி) புகாரி - 73

குர்ஆன் வசனம் 650

﷽ குர்ஆன் வசனம் 650
14-12-2023 வியாழக்கிழமை

يٰۤاَيُّهَا الَّذِيۡنَ اٰمَنُوۡۤا اِذَا قِيۡلَ لَـكُمۡ تَفَسَّحُوۡا فِى الۡمَجٰلِسِ فَافۡسَحُوۡا يَفۡسَحِ اللّٰهُ لَـكُمۡ‌

நம்பிக்கை கொண்டோரே! சபைகளில் (பிறருக்கு) இடமளியுங்கள்!" என்று உங்களிடம் கூறப்பட்டால் இடமளியுங்கள்! அல்லாஹ் உங்களுக்கு இடமளிப்பான்.

[அல்குர்ஆன் 58:11]

உபதேசம் : 899

﷽ உபதேசம் : 899
13-12-2023 புதன்கிழமை

"நரகம் எனக்குக் காட்டப்பட்டது. அதில் பெண்களே அதிகமாக இருந்தனா். அவர்கள் நிராகரிப்பவர்களாக இருப்பதே இதற்குக் காரணம்" என்று நபி (ஸல்) அவர்கள் கூறியபொழுது, "இறைவனை அவர்கள் நிராகரிக்கின்றார்களா?" எனக் கேட்க "கணவனை நிராகரிக்கின்றனா். (அவனது) உதவிகளை நிராகரிக்கின்றனா். அவர்களில் ஒருத்திக்குக் காலம் முழுவதும் நீ நன்மை செய்தாலும் அவளுக்குப் பிடிக்காத ஒன்றை உன்னிடம் கண்டால் 'உன்னிடமிருந்து எந்த ஒரு நன்மையையும் நான் கண்டதில்லை! எனக் கூறிவிடுவாள்' என்று கூறினார்கள்.

அறிவிப்பவர் : இப்னு அப்பாஸ் (ரலி) புகாரி-29

குர்ஆன் வசனம் 649

﷽ குர்ஆன் வசனம் 649

وَعَلَى اللّٰهِ فَلۡيَتَوَكَّلِ الۡمُؤۡمِنُوۡنَ‏

நம்பிக்கை கொண்டோர் அல்லாஹ்வையே சார்ந்திருக்க வேண்டும்.

[அல்குர்ஆன் 58:10]

குர்ஆன் வசனம் 648

﷽ குர்ஆன் வசனம் 648
12-12-2023 செவ்வாய்க்கிழமை

يٰۤاَيُّهَا الَّذِيۡنَ اٰمَنُوۡۤا اِذَا تَنَاجَيۡتُمۡ فَلَا تَـتَـنَاجَوۡا بِالۡاِثۡمِ وَالۡعُدۡوَانِ وَمَعۡصِيَتِ الرَّسُوۡلِ وَتَنَاجَوۡا بِالۡبِرِّ وَالتَّقۡوٰى‌ؕ وَاتَّقُوا اللّٰهَ الَّذِىۡۤ اِلَيۡهِ تُحۡشَرُوۡنَ

நன்மையையும், இறையச்சத்தையும் இரகசியமாகப் பேசுங்கள். யாரிடம் ஒன்று திரட்டப்படுவீர்களோ அந்த அல்லாஹ்வுக்கு அஞ்சுங்கள்!

[அல்குர்ஆன் 58:9]

உபதேசம் : 898

﷽ உபதேசம் : 898
12-12-2023 செவ்வாய்க்கிழமை

'செயல்களில் சிறந்தது எது?' என்று நபி (ஸல்) அவர்களிடம் கேட்டபொழுது, ''அல்லாஹ்வையும் அவனுடைய தூதரையும் நம்பிக்கை கொள்வது'' என்று கூறினார்கள். 'பிறகு எது?' என்று கேட்க ''இறைவழியில் போரிடுவது'' என்று கூறினார்கள். 'பிறகு எது?' என்று கேட்க ''அங்கீகரிக்கப்படும் ஹஜ்'' என்று கூறினார்கள்.

அறிவிப்பவர் : அபூ ஹுரைரா (ரலி) புகாரி-26

குர்ஆன் வசனம் 647

﷽ குர்ஆன் வசனம் 647
11-12-2023 திங்கட்கிழமை

يٰۤاَيُّهَا الَّذِيۡنَ اٰمَنُوۡۤا اِذَا تَنَاجَيۡتُمۡ فَلَا تَـتَـنَاجَوۡا بِالۡاِثۡمِ وَالۡعُدۡوَانِ وَمَعۡصِيَتِ الرَّسُوۡلِ وَتَنَاجَوۡا بِالۡبِرِّ وَالتَّقۡوٰى‌ؕ

நம்பிக்கை கொண்டோரே! நீங்கள் இரகசியம் பேசினால் பாவம், வரம்பு மீறுதல், தூதருக்கு மாறுசெய்தல் ஆகியவை குறித்து இரகசியம் பேசாதீர்கள்!

[அல்குர்ஆன் 58:9]

உபதேசம் : 897

﷽ உபதேசம் : 897
11-12-2023 திங்கட்கிழமை

"தொழுகை, மக்களிடையே நல்லிணக்கத்தை ஏற்படுத்தல், நற்குணம் ஆகியவற்றை விட சிறந்த ஒன்றை ஆதமுடைய மகன் செய்து விட முடியாது!" என்று நபி (ஸல்) அவர்கள் கூறினார்கள்.

அறிவிப்பவர் : அபூ ஹுரைரா (ரலி) ஷுஅபுல் ஈமான்-5645

குர்ஆன் வசனம் 646

﷽ குர்ஆன் வசனம் 646
10-12-2023 ஞாயிற்றுக்கிழமை

لَا يَسۡمَعُوۡنَ فِيۡهَا لَغۡوًا وَّلَا تَاۡثِيۡمًا

அங்கே வீணானதையோ, பாவமான சொல்லையோ செவியுற மாட்டார்கள்.

[அல்குர்ஆன் 56:25]

உபதேசம் : 896

﷽  உபதேசம் : 896

10-12-2023 ஞாயிற்றுக்கிழமை

"இடது கையால் வாங்காதீர்கள்! இடது கையால் கொடுக்காதீர்கள்!" என்று நபி (ஸல்) அவர்கள் கூறினார்கள்.

அறிவிப்பவர் : அப்துல்லாஹ் இப்னு உமர் (ரலி) முஸ்லிம்-4109

உபதேசம் : 895

﷽ உபதேசம் : 895
09-12-2023 சனிக்கிழமை

"கணவனின் அனுமதியின்றி அவனது வீட்டில் ஒரு பெண் எதையும் செலவு செய்யக் கூடாது” என்று நபி (ஸல்) அவர்கள் கூறினார்கள்.

அறிவிப்பவர் : அபூஉமாமா (ரலி) திர்மிதீ - 606

குர்ஆன் வசனம் 645

﷽ குர்ஆன் வசனம் 645
09-12-2023 சனிக்கிழமை

هَلۡ جَزَآءُ الْاِحۡسَانِ اِلَّا الۡاِحۡسَانُ‌ۚ‏

நன்மைக்கு நன்மை தவிர வேறு கூலி உண்டா?

[அல்குர்ஆன் 55:60]

உபதேசம் : 894

﷽ உபதேசம் : 894
08-12-2023 வெள்ளிக்கிழமை

"மறுமையில் நீங்கள் உங்கள் இறைவனைச் சந்திக்கும்பொழுது அவன் உங்கள் செயல்கள் குறித்து விசாரணை செய்வான். அறிந்து கொள்ளுங்கள்! எனக்குப் பிறகு ஒருவர் மற்றவருடைய கழுத்தை வெட்டிக் கொள்ளும் வழி கெட்டவர்களாக மாறி விடாதீர்கள்!" என்று நபி (ஸல்) அவர்கள் கூறினார்கள்.

அறிவிப்பவர் : அபூபக்ரா (ரலி) புகாரி - 4406

குர்ஆன் வசனம் 644

﷽ குர்ஆன் வசனம் 644
08-12-2023 வெள்ளிக்கிழமை

وَلِمَنۡ خَافَ مَقَامَ رَبِّهٖ جَنَّتٰنِ‌ۚ‏

தமது இறைவன் முன் நிற்பதை அஞ்சியவருக்கு இரண்டு சொர்க்கச் சோலைகள் உள்ளன.

[அல்குர்ஆன் 55:46]

உபதேசம் : 893

﷽ உபதேசம் : 893
07-12-2023 வியாழக்கிழமை

"என்னுடைய சமுதாயத்தில் 3️⃣0️⃣ பொய்யர்கள் தோன்றி, அவர்கள் அனைவரும் தன்னை நபியென்று வாதிடுகின்ற காலம் வராமல் மறுமை நாள் ஏற்படாது!" என்று நபி (ஸல்) அவர்கள் கூறினார்கள்.

அறிவிப்பாளர் : ஸவ்பான் (ரலி) திர்மிதீ - 3145

குர்ஆன் வசனம் 643

﷽ குர்ஆன் வசனம் 643
07-12-2023 வியாழக்கிழமை

يُعۡرَفُ الۡمُجۡرِمُوۡنَ بِسِيۡمٰهُمۡ فَيُؤۡخَذُ بِالنَّوَاصِىۡ وَ الۡاَقۡدَامِ‌ۚ‏

குற்றவாளிகள் அவர்களின் அடையாளத்தால் அறியப்படுவார்கள். முன் நெற்றிகளும், பாதங்களும் பிடிக்கப்படும்.

[அல்குர்ஆன் 55:41]

உபதேசம் : 892

﷽ உபதேசம் : 892
06-12-2023 புதன்கிழமை

"மற்ற நபிமார்களை விட 6 விஷயங்களில் நான் சிறப்பிக்கப்பட்டுள்ளேன்.
1. நான் ஒருங்கிணைந்த பொருள்களைக் குறிக்கும் சொற்கள் வழங்கப்பட்டுள்ளேன்.
2. எதிரிகளின் உள்ளத்தில் என்னைப் பற்றிய பயம் ஊட்டப்பட்டு எனக்கு வெற்றி அளிக்கப்பட்டது.
3. போரில் கிடைக்கும் பொருட்கள் எனக்கு அனுமதிக்கப்பட்டுள்ளன.
4. எனக்கு பூமி முழுவதும் தூய்மையானதாகவும், தொழுமிடமாகவும் ஆக்கப்பட்டுள்ளது.
5. நான் ஒட்டுமொத்த மனித இனத்திற்கும் தூதராக அனுப்பப்பட்டுள்ளேன்.
6. என்னுடன் நபிமார்கள் முற்றுப் பெற்று விட்டார்கள்!" என்று நபி (ஸல்) அவர்கள் கூறினார்கள்.

அறிவிப்பவர் : அபூ ஹுரைரா (ரலி) முஸ்லிம் - 907

குர்ஆன் வசனம் 642

﷽ குர்ஆன் வசனம் 642
06-12-2023 புதன்கிழமை

يُرۡسَلُ عَلَيۡكُمَا شُوَاظٌ مِّنۡ نَّارٍ  ۙ وَّنُحَاسٌ فَلَا تَنۡتَصِرٰنِ‌ۚ‏

(யுகமுடிவு நாளில்) உங்களுக்கு நெருப்பின் ஜுவாலையும், புகையும் அனுப்பப்படும். அப்போது உதவி பெற மாட்டீர்கள்.

[அல்குர்ஆன் 55:35]

உபதேசம் : 891

﷽ உபதேசம் : 891
05-12-2023 செவ்வாய்க்கிழமை

"எனக்கும் எனக்கு முன் சென்ற நபிமார்களுக்கும் உதாரணம் அழகாக அலங்கரித்து ஒரு வீட்டைக் கட்டிமுடித்து ஒரு மூலையில் செங்கல் அளவிற்கு இடத்தை விட்டுவிட்ட ஒரு மனிதனைப் போன்றது. மக்கள் அந்த வீட்டைச் சுற்றிப் பார்த்து ஆச்சரியம் அடைந்து ‘அங்கு செங்கல் பதிக்கப்பட்டிருக்கக்கூடாதா?’ என்று கேட்கலானார்கள். நான் தான் அந்த செங்கல்! நானே நபிமார்களின் முத்திரையானவன்’ என்று நபி (ஸல்) அவர்கள் கூறினார்கள்.

அறிவிப்பவர் : அபூ ஹுரைரா (ரலி) புகாரி - 3535

குர்ஆன் வசனம் 641

﷽ குர்ஆன் வசனம் 641
05-12-2023 செவ்வாய்க்கிழமை

سَنَفۡرُغُ لَـكُمۡ اَيُّهَ الثَّقَلٰنِ‌ۚ

மதிப்பு மிக்க (மனித, ஜின் ஆகிய) இரு இனத்தவர்களே! உங்களுக்காக (விசாரிக்க) நேரம் ஒதுக்குவோம்.

[அல்குர்ஆன் 55:31]

குர்ஆன் வசனம் 640

﷽ குர்ஆன் வசனம் 640
04-12-2023 திங்கட்கிழமை

اِنَّ الۡمُجۡرِمِيۡنَ فِىۡ ضَلٰلٍ وَّسُعُرٍ‌ۘ‏

குற்றம் புரிந்தோர் வழிகேட்டிலும், மனக் குழப்பத்திலும் உள்ளனர்.

[அல்குர்ஆன் 54:47]

உபதேசம் : 890

﷽ உபதேசம் : 890
04-12-2023 திங்கட்கிழமை

"மார்க்க அறிவோடு நற்குணத்தையும் பெற்றிருப்வரே உங்களில் சிறந்தவர்!" என்று நபி (ஸல்) அவர்கள் கூறினார்கள்.

அறிவிப்பவர் : அபூ ஹுரைரா (ரலி) இப்னு ஹிப்பான் - 91

குர்ஆன் வசனம் 639

﷽ குர்ஆன் வசனம் 639
03-12-2023 ஞாயிற்றுக்கிழமை

وَالسَّاعَةُ اَدۡهٰى وَاَمَرُّ

யுகமுடிவு நேரம் மிகவும் அதிர்ச்சியளிப்பது; மிகவும் கசப்பானது.

[அல்குர்ஆன் 54:46]

உபதேசம் : 889

﷽ உபதேசம் : 889
03-12-2023 ஞாயிற்றுக்கிழமை

"ஒருவருக்கு முன்னால் என்னைப் பற்றிக் கூறப்பட்டு அவர் என் மீது ஸலவாத் கூறவில்லையென்றால் அவர்தான் உண்மையான கஞ்சன்!" என்று நபி (ஸல்) அவர்கள் கூறினார்கள்.

அறிவிப்பவர் : ஹுஸைன் (ரலி) திர்மிதீ-3546

உபதேசம் : 888

﷽ உபதேசம் : 888
02-12-2023 சனிக்கிழமை

"லாயிலாஹா இல்லல்லாஹ்' என்பது யாருடைய இறுதி வார்த்தையாக இருக்கின்றதோ அவர் சுவனத்தில் நுழைவார்!" என்று நபி (ஸல்) அவர்கள் கூறினார்கள்.

அறிவிப்பவர் : முஆத் பின் ‌ஜபல் (ரலி) அபூதாவூத்-3116

குர்ஆன் வசனம் 638

﷽ குர்ஆன் வசனம் 638
02-12-2023 சனிக்கிழமை

سَيَعۡلَمُوۡنَ غَدًا مَّنِ الۡكَذَّابُ الۡاَشِرُ

யார் கர்வம் கொண்ட பெரும் பொய்யர் என்பதை நாளை அறிவார்கள்.

[அல்குர்ஆன் 54:26]

குர்ஆன் வசனம் 637

﷽ குர்ஆன் வசனம் 637
01-12-2023 வெள்ளிக்கிழமை

وَلَقَدۡ يَسَّرۡنَا الۡقُرۡاٰنَ لِلذِّكۡرِ فَهَلۡ مِنۡ مُّدَّكِرٍ

இக்குர்ஆனை விளங்குவதற்கு எளிதாக்கியுள்ளோம். படிப்பினை பெறுவோர் உண்டா?

[அல்குர்ஆன் 54:17]

உபதேசம் : 887

﷽ உபதேசம் : 887
01-12-2023 வெள்ளிக்கிழமை

"இறைநம்பிக்கையாளன் குறைகூறித் திரிபவனாகவும் அருவருப்பாக செயல்படுபவனாகவும் வெட்கமின்றி பேசுபவனாகவும் இருக்க மாட்டான்!" என்று நபி (ஸல்) அவர்கள் கூறினார்கள்.

அறிவிப்பவர் : அப்துல்லாஹ் (ரலி) அல் அதபுல் முஃப்ரத் - 312